اسرائيلي فورسز خان يونس ۾ سٺو ڪم پئي ڪري، وڌيڪ تفصيل بيان نٿا ڪري سگھجن: اسرائيلي وزيراعظم
تل ابيب (انٽرنيشنل ڊيسڪ) اسرائيلي وزيراعظم نيتن ياهو غزه ۾ محدود پئماني تي بنيادي انساني امداد جي ورهاست جي اجازت ڏيندي چيو آهي ته اسرائيل غزه تي مڪمل قبضو ڪندو.
اسرائيلي فوج غزه جي ٻئي وڏي شهر خان يونس جي سمورين شهرين کي فوري جبري طور شهر ڇڏڻ جو حڪم ڏئي ڇڏيو آهي.
الجزيره جي رپورٽ موجب اسرائيلي سرڪار جي نشرياتي اداري ”ڪان“ وزيراعظم بابت چيو آهي اسان غزه جي پٽيءَ جي سمورن علائقن جو ڪنٽرول حاصل ڪري رهيا آهيون.
خان يونس ۾ اڄ صبح ”خاص آپريشن“ بابت غير تصديق ٿيل رپورٽ بابت نيتن ياهو چيو ته اسرائيلي فورسز اتي سٺو ڪم پئي ڪري، پر وڌيڪ تفصيل بيان نٿا ڪري سگھجن.
