ڀارت ۾ مخالف ڌر، مسلمانن ۽ سکن مودي جي حمايت نه ڪئي، مودي ڀارت ۾ غير مقبول ٿي چڪو: مولانا
اسلام آباد (نيشنل ڊيسڪ) جي يو آءِ (ف) جي سربراهه مولانا فضل الرحمان جو حڪومت کان مطالبو ڪندي چيو آهي ته موجوده صورتحال تي بحث لاءِ آل پارٽيز ڪانفرنس سڏائي وڃي.
مولانا فضل الرحمان چيو ته پرڏيهي معاملن ۾ افغانستان سان دوستي جو وقت آهي، ڀارت سڄي خطي ۾ ڇڪتاڻ پيدا ڪئي.
ڀارت ۾ مخالف ڌر، مسلمانن ۽ سکن مودي جي حمايت نه ڪئي، نريندر مودي ڀارت ۾ غير مقبول ٿي چڪو آهي.
هن چيو ته مودي جي هندتوا ڪارڊ استعمال ڪرڻ جي ڪوشش ناڪام ٿي وئي، نريندر مودي هٿيار ڦٽا ڪري ڇڏيا آهن، کيس شڪست کان پوءِ استعيفيٰ ڏيڻ گهرجي.
