گذريل رات بچل شاهه مياڻي مان اغوا ٿيل سولنگي برادري جي 3 ڄڻن سميت 12 ڄڻن کي بازياب ڪرايو ويو: ايس ايس پي سکر
باگڙجي (ويب ڊيسڪ) باگڙجي جي ڪچي واري علائقي ۾ ڏوهارين خلاف پوليس آپريشن دوران 12 مغوي بازياب ڪرائڻ جي دعويٰ.
ايس ايس پي سکر موجب آپريشن دوران گذريل رات بچل شاهه مياڻي مان اغوا ٿيل سولنگي برادري جي ٽن ڄڻن سميت 12 ڄڻن کي پوليس بازياب ڪرايو ويو.
پوليس پاران آپريشن کان پوءِ بازياب ڪرايل ٻارنهن ڄڻن مان نون ڄڻن جو تعلق خيرپور ضلعي سان آهي.
وڏي وزير مراد علي شاهه پوليس کي هدايت ڪئي ته ڌاڙيلن ۽ قانون جي ڀڃڪڙي ڪندڙن خلاف آپريشن جاري رکيو وڃي.
وڏي وزير سيد مراد علي شاهه جو وڌيڪ چوڻ هو ته عوام جي جان ۽ مال جي تحفظ کي هر صورت ۾ يقيني بڻايو وڃي.
