نائب وزيراعظم اسحاق ڊار پاڪستان جي شهرن تي ڀارتي حملن کان کيس آگاهه ڪيو
اسلام آباد (نيشل ڊيسڪ) نائب وزيراعظم اسحاق ڊار جو ناروي جي پرڏيهي وزير سان فون تي رابطو.
پرڏيهي ترجمان جي آفيس موجب ٻنهي اڳواڻن ۾ ٻطرفن لاڳاپن تي خيالن جي ڏي وٺ ڪئي وئي.
ترجمان جو چوڻ هو ته نائب وزيراعظم اسحاق ڊار پاڪستان جي شهرن تي ڀارتي حملن کان کيس آگاهه ڪيو.
ان موقعي تي نائب وزيراعظم جو چوڻ هو ته ڀارت جي ڪري علائقائي امن ۽ سلامتي کي خطرو آهي، حڪومت، ملڪي خودمختياري ۽ علائقائي سلامتي جي دفاع لاءِ پرعزم آهي.
پرڏيهي ترجمان موجب ناروي جي پرڏيهي وزير هلندڙ ڇڪتاڻ تي ڳڻتي جو اظهار ڪيو، ناروي جي پرڏيهي وزير پاڪستان طرفان ڪيل صبر جي مظاهري جي واکاڻ ڪئي.
