خطي ۾ جاري ڇڪتاڻ واري صورتحال جي روشني ۾ گهرو وزير جو دورو پاڪستان جي پرڏيهي پاليسي لاءِ اهميت جوڳو آهي
قطر (انٽرنيشنل ڊيسڪ) نار ملڪن جي دوري جي ٻئي مرحلي ۾ وفاقي گهرو وزير محسن نقوي اڄ قطر پهچندو، اعليٰ قطري عملدارن سان ملاقاتون رٿيل.
خطي ۾ جاري ڇڪتاڻ واري صورتحال جي روشني ۾ گهرو وزير جو هي دورو پاڪستان جي پرڏيهي پاليسي ۾ اهميت جوڳو آهي.
گهرو وزير محسن نقوي قطر جي دوري دوران پاڪستان جي اصولي موقف بابت تفصيل فراهم ڪندو.
عالمي سطح تي پاڪستان جي امن جي پيغام کي اجاگر ڪيو ويندو. ملاقاتن ۾ پاڪستان ۽ قطر وچ ۾ ٻطرفي لاڳاپن، سيڪيورٽي سهڪار ۽ خطي ۾ امن، استحڪام تي بحث ٿيندو.
