پرڏيهي معاملن، پاڻي وسيلن ۽ قانون جي وزارتن پنهنجو شروعاتي هوم ورڪ ڪري ورتو
لاهور (نيشنل ڊيسڪ) ڀارت طرفان سنڌ طاس معاهدي جي معطلي بعد هنگامي قانوني ۽ آئيني صلاح مشورا جاري، شروعاتي هوم ورڪ مڪمل.
ذريعن موجب پرڏيهي معاملن، پاڻي وسيلن ۽ قانون جي وزارتن پنهنجو شروعاتي هوم ورڪ پورو ڪري ورتو.
ڪجهه ڏينهن ۾ باقاعدي سفارتي ذريعن ذريعي ڀارت کي نوٽيس جاري ڪرڻ جو فيصلو ڪيو ويو.
انڊس ڪميشن جي ذريعن جو چوڻ آهي ته نوٽيس ۾ هندستان کان سنڌ طاس معاهدي جي هڪ طرفي معطلي جا ٺوس سبب طلب ڪيا ويندا.
عالمي فورمن تي سخت احتجاج رڪارڊ ڪرائڻ تي غور، ڀارت جي آبي اڳرائين کي دنيا اڳيان وائکو ڪيو ويندو.
