ڀارت فالس فليگ آپريشنز ذريعي ڌيان هٽائيندو رهيو آهي: سينيئر صوبائي وزير
ڪراچي (ويب ڊيسڪ) سنڌ جي سينيئر صوبائي وزير شرجيل انعام ميمڻ چيو آهي ته سنڌطاس معاهدي جي معطلي، ڀارت جو غير ذميواراڻو قدم آهي.
معاهدو معطل ڪرڻ علائقائي امن لاءِ وڏو خطرو ۽ جنگ جو اشارو آهي، معاهدي جي معطلي عالمي قانونن جي کليل ڀڃڪڙي آهي.
سنڌ جي سينيئر صوبائي وزير شرجيل ميمڻ وڌيڪ چيو ته ڀارت فالس فليگ آپريشنز ذريعي ڌيان هٽائيندو رهيو آهي.
سينئر وزير شرجيل انعام ميمڻ پاران سنڌ طاس معاهدي جي معطلي جي مذمت ڪندي چيوته پهلگام ۾ وري ساڳيو پراڻو ناٽڪ ورجائڻ جي ڪوشش ٿي رهي آهي.
پاڪستان دهشتگردي خلاف جنگ ۾ وڏيون قربانيون ڏنيون آهن، اي پي ايس سانحو ۽ بينظير ڀٽو جي شهادت قربانين جا مثال آهن.
سينيئر صوبائي وزير شرجيل انعام ميمڻ جو وڌيڪ چوڻ هو ته ڀارتي قدم اخلاقي ڏيوالي جو ثبوت آهي، عالمي برادري نوٽيس وٺي.
