سنڌو درياهه تي ڪئنال اڏڻ خلاف تحريڪ زور وٺي وئي، شهرن، ڳوٺن ۽ وستي واهڻن ۾ ڀرپور احتجاج، ڌرڻا

تحريڪ ۾ وڪيل، ھاري ناري، آبادگار، ڊاڪٽر، شاگرد، سڀ روڊن تي نڪري آيا،  سنڌوءَ تي ڌاڙو نامنظور جو نعرو بلند

ڪراچي (ويب ڊيسڪ) سنڌو درياهه مان ڪئنالن ڪڍڻ خلاف تحريڪ عروج تي پھچي وئي،  شهرن، ڳوٺن ۽ واھڻ وستين ۾ ڀرپور مظاھرا.

وڪيل، ھاري، ناري، آبادگار، ڊاڪٽر، شاگرد، سڀ روڊن تي نڪري آيا،  سنڌوءَ تي ڌاڙو نامنظور جو نعرو بلند.

ٺل ۾ جيئي سنڌ محاذ جو قومي شاهراهه تي ڌرڻو، شاميانا لڳائي ويهي رهيا، پنجاب ڏانهن ايندڙ ويندڙ ٽريفڪ معطل.

ٻٻرلوءَ وڪيلن جي احتجاج ۾ سياسي سماجي ڌرين جي اچڻ جو سلسلو جاري، ٻٻرلوءِ ڌرڻي ۾ هندو پنچائت جا اڳواڻن پهچي وڪيلن سان ٻڌيءَ جو اظهار ڪيو.

ڏهرڪي ۾ تڪراري ڪئنالن خلاف قومي شاهراهه تي ٽئين ڏينهن به ڌرڻو جاري، اسڪولي ٻارڙا به ڌرڻي ۾ شامل، تدريسي عمل جو بائيڪاٽ، پنجاب ڏانهن ويندڙ يوريا ڀاڻ، پيٽرول ۽ ڪوئلي جون سوين گاڏيون بيهجي ويون.

ڪنڌڪوٽ جي گولا موڙ تي ٻئي ڏينهن به ڌرڻو، گاڏين جي اچ وڃ معطل، نئين ديري ۾ سنڌوءَ درياهه مان ڪئنال ڪڍڻ خلاف سول سوسائٽي جو 24 ڪلاڪن کان ڌرڻو جاري.

نصيرآباد ۾ تڪراري ڪئنالن خلاف جنرلسٽ فورم پاران انڊس هاءِ وي تي احتجاجي مظاهرو،  وفاق خلاف سخت نعريبازي.

سنڌو درياهه مٿان 6 ڪئنال ڪڍڻ خلاف سرحد شهر ۾ شٽربند هڙتال ۽ احتجاج، لعلو رائنڪ ۾ تڪراري ڪئنالن خلاف ڳوٺاڻن جي شاندار ريلي.

لاڙڪاڻي ۾ نابين به روڊن تي اچي ويا، هٿن ۾ اڇيون لٺيون ۽ بئنر کڻي ڪئنالن خلاف نعريبازي.

موري جي قومي شاھراھه تي شاگردن جو چوٿين ڏينھن به احتجاجي مظاهرو.

قمبر ۾ سنڌو درياهه مٿان تڪراري ڪئنال اڏڻ خلاف ٻارڙن جو احتجاج، سيٺارجا ۾ دنڪاندار ايسوئيشن جي سڏ تي شٽربند هڙتال، ڪاروباري مرڪز مڪمل بند.

اڳواڻن جو چوڻ آهي ته پنهنجي نسلن جِي بقا خاطر ڪنهن به صورت ۾ سنڌ دشمن ڪئنال رٿا ڪامياب ٿيڻ نه ڏينداسين.