صوبائي وزير شهيد بينظير آباد ڊويزن ۾ جاري ترقياتي منصوبن تي ورڪس اينڊ سروسز کاتي جي آفيسرن ۽ ٺيڪيدارن سان اهم گڏجاڻي ڪئي
ڪراچي (ويب ڊيسڪ) ورڪس اينڊ سروسز ۽ جيل کاتي جي صوبائي وزير علي حسن زرداري جِي شهيد بينظير آباد ڊويزن ۾ جاري ترقياتي منصوبن تي ورڪس اينڊ سروسز کاتي جي آفيسرن ۽ ٺيڪيدارن سان اهم گڏجاڻي.
صوبائي وزير ورڪس اينڊ سروسز علي حسن زرداري کي شهيد بينظير آباد ڊويزن جي سڀني منصوبن بابت بريفنگ ڏني وئي.
صوبائي وزير علي حسن زرداري جي ڪراچي سميت سنڌ ۾ وڏن منصوبن کي ترت مڪمل ڪرڻ جي هدايت.
ان موقعي تي سندس چوڻ هو ته صدر مملڪت آصف علي زرداري ۽ پ پ چيئرمين بلاول ڀٽو زرداري جي خاص هدايتن تي، سنڌ ۾ جاري ترقياتي منصوبا جلد مڪمل ڪيا ويندا.
هن چيو ته صدر آصف علي زرداري هدايت ڪئي آهي ته ڪراچي ۾ تعمير هيٺ منصوبا جلد کان جلد مڪمل ڪيا وڃن.
صوبائي وزير علي حسن زرداري وڌيڪ چيو ته پ پ پ چيئرمين بلاول ڀٽو زرداري سڀني تعمير هيٺ منصوبن کي جلد مڪمل ڪرڻ جو ٽاسڪ ڏنو آهي.
