سنڌ هن وقت 62 سيڪڙو پاڻي جي کوٽ کي منهن ڏئي رهي آهي: ڄام خان شورو
ڪراچي (ويب ڊيسڪ) سنڌ حڪومت جو تڪراري ٽي پي لنڪ ڪئنال کولڻ تي ارسا اڳيان سخت احتجاج.
سنڌ جي آبپاشي کاتي جي وزير ڄام خان شورو ارسا کي خط لکي ٽي پي لنڪ ڪئنال فوري بند ڪرڻ جو مطالبو ڪري ڇڏيو.
صوبائي وزير ڄام خان شورو جو چوڻ آهي ته سنڌ هن وقت 62 سيڪڙو پاڻي جي کوٽ کي منهن ڏئي رهي آهي.
هن چيو ته پنجاب جي ڪئنالن ۾ 54 سيڪڙو پاڻي کوٽ آهي، ٽي پي لنڪ ڪئنال کولڻ سان سنڌ ۾ پاڻي جي کوٽ وڌندي.
سنڌ جي آبپاشي کاتي جي صوبائي وزير ڄام خان شورو چيو ته هن وقت ٽي پي ڪئنال کولڻ سنڌ جي زخمن تي لوڻ ٻرڪڻ برابر آهي.
