عالمي واپاري ضابطن جي ڀڃڪڙي نه ٿيڻ ڏيندا، هو آمريڪي ڌمڪين کان نه ڊڄندا: چيني پرڏيهي وزارت
بيجنگ (انٽرنيشنل ڊيسڪ) ٻن وڏين طاقتن وچ ۾ ٽيرف جي جنگ تيز ٿي وئي، آمريڪا پاران لاڳو ڪيل 145 سيڪڙو ٽيرف جي جواب ۾ چين به آمريڪي شين تي 125 سيڪڙو ٽيرف لاڳو ڪري ڇڏيو.
چين آمريڪا کي عالمي معاشي نظام لاءِ خطرو قرار ڏئي ڇڏيو.
چيني پرڏيهي وزارت جو چوڻ آهي ته عالمي واپاري ضابطن جي ڀڃڪڙي نه ٿيڻ ڏيندا، هو آمريڪي ڌمڪين کان نه ڊڄندا ۽ نه ئي بليڪ ميلنگ جو شڪار ٿيندا.
چيني پرڏيهي وزارت جو وڌيڪ چوڻ هو ته جيڪڏهن واشنگٽن واپاري جنگ چاهي ٿو ته اهي آخر تائين ساڻن وڙهندا.
