آءِ ايم ايف پاڪستان کي 1.3 ارب ڊالر ڪلائميٽ فئنانسنگ جي تحت ملڻ جي تصديق ڪري ڇڏي آهي.
اسلام آباد (نيشنل ڊيسڪ) آءِ ايم ايف پاڪستان کي 1.3 ارب ڊالر ڪلائميٽ فئنانسنگ جي تحت ملڻ جي تصديق ڪري ڇڏي آهي.
آءِ ايم ايف جي ڊائريڪٽر ڪميونيڪيشن جولي ڪوزيڪ چيو ته پاڪستان سان اي ايف ايف ۽ ڪلائميٽ فئنانسنگ تي الڳ الڳ فنڊز جي فراهمي تي ڳالهه ٻول ٿي، ڪلائميٽ فئنانسنگ تي ڳالهيون ڪاميان ٿيون.
هن چيو ته ڪلائميٽ فئنانسنگ ۾ 1.3 ارب ڊالرز 28 مهينن ۾ فراهم ڪيا ويندا، پاڪستان سان 37 مهينن جو ايڪسٽينڊيڊ فنڊ فيسيلٽي پروگرام سيپٽمبر ۾ طئي ٿي چڪو آهي.
ڊائريڪٽر ڪميونيڪيشن آءِ ايم ايف جو چوڻ هو ته پاڪستان کي ايڪسٽينڊيڊ فنڊ فيسيبلٽي پروگرام ۾ 7 ارب ڊالر قسطن ۾ ملڻا آهن، پاڪستان لاءِ نئين قسط جي لاءِ اسٽاف ليول تي معاهدو 25 مارچ تي ٿيو هو.
سندس چوڻ هو ته پاڪستان اي ايف ايف پروگرام ۾ پهريون جائزي اجلاس ۾ ڪامياب ويو آهي، ڪامياب جائزي وارين ڳالهين کان پوءِ پاڪستان کي 1 ارب ڊالر ملندا.
