ڪراچي (شوبز ڊيسڪ) اداڪارا نازش جهانگير پاڻ تي فراڊ جي الزامن لڳڻ کان پوءِ چيو ته مٿس لڳايل الزام بي بنياد ۽ پلانڊ آهن، مون کي بليڪ ميل ڪرڻ ۽ پئسا اوڳاڙڻ جي ڪوشش ڪئي وئي.
نازش جهانگير تازو هڪ پروگرام ۾ شرڪت ڪئي جتي هن پهريون ڀيرو پاڻ تي اسود هارون نالي آرٽسٽ طرفان لڳايل فراڊ وارن الزامن جي ترديد ڪئي.
هن چيو ته مون تي هڪ منصوبا بنديءَ تحت ڪوڙا الزام لڳائي منهنجو نالو ۽ ڪيريئر خراب ڪرڻ جي ڪوشش ڪئي وئي.
اداڪارا چيو ته مون کي بليڪ ميل ڪرڻ جي ڪوشش ڪئي وئي ان سان گڏوگڏ مون کان بليڪ ميلنگ وسيلي پئسا وٺڻ جي ڪوشش پڻ ڪئي وئي.
