سيالڪوٽ (نيشنل ڊيڪ) بچاءَ واري وفاقي وزير خواجه آصف چيو آهي ته پاڪستان دهشتگردي خلاف فرنٽ لائن تي وڙهي رهيو آهي.
دهشتگردي خلاف جنگ اسان شروع نه ڪئي هئي، آمريڪا دهشتگردي جو نالو وٺي عراق، لبيا ۽ افغانستان ۾ جنگ شروع ڪئي، اسان سڀ کان وڌيڪ دهشتگردي جو شڪار ٿيا آهيون.
بچاءَ واري وزير خواجا آصف ميڊيا سان ڳالهائيندي چيو ته آمريڪا پنهنجا هٿيار واپس وٺي رهيو آهي ته اها سٺي ڳالهه آهي.
افغانستان ۾ ڇڏيل آمريڪي هٿيارن سبب دهشتگردي ۾ اضافو ٿيو، ڪي پي حڪومت دهشتگردي خلاف جنگ جي پاڻ به ذميواري قبول ڪري،
پي ٽي آءِ باني ڪنهن جي ڳالهه ناهي ٻڌندو، پنهنجي هلائيندو آهي، هن ملڪ ۾ دهشتگردن کي آباد ڪيو.
