قصور (نيشنل ڊيسڪ) قصور جي صدر ٿاڻي جي حدن۾ رائيونڊ روڊ تي گاڏي هلائيندي ڊرائيور کي ننڊ اچڻ بعد وين اونهي کاهيءَ ۾ ڪرڻ سبب هڪ ئي ڪٽنب جا 8 ڀاتي اجل جو شڪار ٿي ويا.
ريسڪيو 1122 موجب رات دير سان کارا موڙ ويجھو نال روهي نالي ۾ ڪرندڙ وين ۾ هڪ مسيحي خاندان جا 10 ماڻهو سوار هئا.
ريسڪيو اهلڪارن هن وقت تائين 8 لاش ڪڍي ورتا آهن، جڏهن ته 2 زخمين کي به اسپتال منتقل ڪيو ويو آهي.
پوليس لاشن ۽ زخمين کي ڊي ايڇ ڪيو اسپتال منتقل ڪيو، زخمين جي هالتن ڳڻتيءَ جوڳي ٻڌائي پئي وڃي.
فوتين ۽ زخمين جون عمريون 30 کان 40 سالن جي وچ ۾ آهن، فوتين ۾ خليل، سليم، عمران، مقصود، سوهني، ڪارنيليس، سني ۽ طلحه شامل آهن جڏهن ته زخمين ۾ ساجد ۽ ڊرائيور شڪيل شامل آهن.
