اسلام آباد (نيشنل ڊيسڪ) وزيراعظم شهباز شريف چيو آهي ته اڙان پاڪستان پروگرام تحت هڪ مڪمل معاشري کي هٿي ڏيڻ جي لاءِ برابري ۽ اخلاقيات تي خاص ڌيان ڏنو پيو وڃي.
اڄ سماجي انصاف جي عالمي ڏينهن جو موقعي تي پنهنجي جاري ڪيل پيغام ۾ وزيراعظم چيو ته حڪومت هڪ ڊجيٽل پليٽ فارم جي شروعات ڪئي آهي جنهن ۾ هڪ مڪمل سماجي بهبود جي نظام کي شامل ڪيو ويو آهي جيئن خاص ماڻهن ۽ ٻين ڪمزور طبقن کي فوري طور موزون خدمتن تائين رسائي ڏئي سگھجي.
وزيراعظم چيو ته شهرين جي حقن جي حفاظت جي لاءِ گھڻا پروگرام شروع ڪيا آهن جيڪي ترقيءَ ۾ رنڊڪ بڻجندڙ طبقن کي ختم ڪرڻ جي لاءِ ڪوششون ڪري رهيا آهن.
وزيراعظم چيو ته هي ڏينهن غربت، ناڪاري اڻ برابري ۽ فرق جھڙن اهم مسئلن کي حل ڪرڻ لاءِ قدمن جي گھر ڪندو آهي، جنهن ۾ اهڙي مڪمل معاشرن جي اهميت تي زور ڏنو ويو آهي جتي سمورن ماڻهن کي هڪ جيترا حق ۽ موقعا مليل هجن.
