لنڊن (انٽرنيشنل ڊيسڪ) چيف آف آرمي اسٽاف جنرل عاصم منير برطانيا پهچي ويو جتي هو رائل ملٽري اڪيڊمي سينڊهرسٽ ۾ ستين علائقائي استحڪام ڪانفرنس ۾ شرڪت ڪندو.
آرمي چيف جنرل سيد عاصم منير ڪانفرنس ۾ ”اڀرندڙ عالمي نظام ۽ پاڪستان جو مستقبل“ جي موضوع تي اهم خطاب ڪندو.
آءِ ايس پي آر موجب هيءَ ڪانفرنس پاڪ برطانيه عسڪري سطح تي مڪالمي جو هڪ اهم پليٽ فارم آهي، ڪانفرنس هر سال سهڪار کي هٿي ڏيڻ جي لاءِ منعقد ڪئي ويندي آهي.
آءِ ايس پي آر موجب ڪانفرنس ۾ ٻنهي ملڪن جي پاليسيون جوڙيندڙ، سول ۽ هٿياربند قيادت ۽ ٿنڪ ٽينڪس جا نمائندا شرڪت ڪندا آهن.
