سنڌ اسيمبلي اجلاس، مخالف ڌر ميمبرن جون ڪراچي ۾ منشيات جي وڪري جون دانهون

ڪراچي (ويب ڊيسڪ) سنڌ اسيمبلي جي اجلاس ۾ مخالف ڌر ميمبرن جون ڪراچي ۾ منشيات جي وڪري جون دانهون.

ايڪسائيز اينڊ ٽيڪسيشن کاتي جي صوبائي وزير مڪيش ڪمار چاولا چيو آهي ته هو منشيات فروشن کي گرفتار ڪري ڪيس داخل ڪندا آهن.

سزا ڏيڻ عدالت جو ڪم آهي، ڪنهن کي به منشيات وڪرو ڪرڻ جي اجازت نه ڏني ويندي.

جيڪڏهن پوليس  منشيات فروشيءَ ۾ ملوث آهي ته ان خلاف  به بنا ڪنهن رعايت جي سخت ڪارروائي ڪئي ويندي.