راولپنڊي (نيشنل ڊيسڪ) راولپنڊيءَ ۾ اڊيالا جيل ٻاهران پاڪستان تحريڪ انصاف سان تعلق رکندڙ اڳوڻي وفاقي وزير فواد چوڌري ۽ بئريسٽر شعيب شاهين پاڻ ۾ وڙهي پيا.
پي ٽي آءِ اڳواڻن ۾ اڊيالا جيل جي گيٽ نمبر 5 تي جھيڙو ٿيو جنهن دوران فواد چوڌريءَ بئريسٽر شعيب شاهين کي چماٽ وهائي ڪڍي جنهن کان پوءِ شعيب شاهين زمين تي ڪري پيو.
اوچتو ٿيندڙ جھيڙي کان پوءِ موقعي تي موجود جيل عملي ٻنهي جي وچ ۾ پئجي ويو ۽ کين ڇڏايو. جھيڙي کان پوءِ فواد چوڌري اڊيالا جيل ۾ هليو ويو، جڏهن ته شعيب شاني کي زمين تي ڪرڻ سبب ٻانهن ۾ ڌڪ لڳو.
