طرابلس (انٽرنيشل ڊيسڪ) لبيا ۾ پاڪستاني شهرين کي کڻي ويندڙ هڪ ٻيڙي حادثي جو شڪار ٿي وئي. لبيا جي پرڏيهي کاتي جي ترجمان لبيا ۾ هڪ ٻي ٻيڙيءَ سان حادثي جي تصديق ڪندي چيو آهي ته لبيا جي ڪناري جي ويجھو پاڪستاني شهرين کي کڻي ويندڙ ٻيڙي حادثي جو شڪار ٿي آهي. لبيا ۾ پاڪستاني سفارخاني موجب 65 مسافرن کي کڻي ويندڙ ٻيڙي مرسا ڊيلا جي بندرگاهه ويجھو اونڌي ٿي پئي. ترجمان موجب طرابلسن ۾ پاڪستاني سفارخاني جي ٽيم زاويه اسپتال رواني ڪئي وئي آهي، پاڪستاني سفارتخاني جي ٽيم مقامي عملدارن جي ٽيم امدادي ڪمن ۾ سهڪار ڪندي. لبيا جي پرڏيهي وزارت جي ترجمان جو چوڻ آهي ته ان بابت ڪرائسز مئنيجمينٽ يونٽ متحرڪ ڪيو ويو آهي ۽ ٻيڙي حادثي ۾متاثر ٿيندڙ پاڪستانين جا تفصيل گڏ ڪيا پيا وڃن.
