اسلام آباد (نيشنل ڊيسڪ) 26 هين آئيني ترميم ۽ جڊيشل ڪميشن جي اڄ ٿيندڙ اجلاس جي خلاف وڪيل ايڪشن ڪاميٽيءَ جي احتجاج دوران وڪيلن اسلام آباد جي سرينا چوڪ کان سپريم ڪورٽ وڃڻ جي ڪوشش ڪئي جنهن دوران وڪيلن ۽ پوليس اهلڪارن جي وچ ۾ ڇڪتاڻ ٿي، پوليس احتجاج ڪندڙ ۽ ريڊ زون طرف اڳڀرائي ڪندڙ وڪيلن تي لٺبازي ڪئي. وڪيلن احتجاج ڪندي سپريم ڪورٽ طرف مارچ جي شروعات ڪئي، ان دوران انتظاميه سرينا چوڪ تي ڪنٽينر لڳائي روڊ کي بند ڪري ڇڏيو، انتظاميه ريڊ زون کي به مڪمل سيل ڪري ڇڏيو آهي. پوليس ۽ وڪيلن جي وچ ۾ ڇڪتاڻ کان پوءِ احتجاج ڪندڙ وڪيل منتشر ٿي ويا ۽ سري نگر هاءِ وي تي ڌرڻو هڻي ويهي رهيا آهن ۽ مري ويندڙ روڊ کي بند ڪري ڇڏيو آهي پر مري کان ايندڙ ويندڙ ٽريفڪ روان دوان آهي. انتظاميه طرفان اسلام آباد جي ريڊ زون جي سمورن رستن تي پوليس جي ڳري نفري مقرر ڪئي وئي آهي، سمورا گيٽ بند ڪيا ويا آهن، جنهن جي ڪري شهرين کي اچ وڃ ۾ سخت ڏکيائيون پيش اچي رهيون آهن. ياد رهي ته سپريم ڪورٽ بار ايسوسي ايشن ۽ پاڪستان جي سمورين بار ڪائونسلز گڏيل پڌرائيءَ ۾ جڊيشل ڪميشن جي اجلاس جي خلاف هڙتال کي رد ڪري ڇڏيو آهي.
تازہ ترین
- پاڪستان تي ڀارت جي بناجواز اڳرائي ۾ الله پاڪ اسان کي شاندار فتح عطا ڪئي: وزيراعظم
- سيٽن بابت نظرثاني درخواست تي ٻڌڻي ڪندڙ سپريم ڪورٽ جي آئيني بيئنچ ٽٽي وئي
- سوات درياهه۾ برسات بعد پاڻيءَ جي تيز وهڪري ۾ 18 ڄڻا لڙهي ويا
- فيلڊ مارشل پاران ادارن وچ ۾ هم آهنگي ترقياتي هدف حاصل ڪرڻ لاءِ اڻٽر قرار
- آمريڪي پرڏيهي وزير مارڪو روبيو وچ اوڀر جي صورتحال تي وزيراعظم شهباز شريف سان ڳالهه ٻولهه
- ايراني سپريم ليڊر کي مارڻ چاهيون پيا پر آپريشنل موقعو نه مليو: اسرائيلي بچاءَ وارو وزير
- سنڌ حڪومت جو وڏو فيصلو، نئين مالي سال ۾ وڏي انگ ۾ اليڪٽرڪ ۽ هائبرڊ بسون آڻڻ جو اعلان
- چڪ ويجهو زمين جي معاملي تان مامن ۽ ڀاڻيجن ۾ جهيڙو، گوليون لڳڻ سبب هڪ ڄڻو قتل
- شهدادڪوٽ ڀرسان ڪارنهن الزام هيٺ چاچي هٿان نوجوان ڀائٽي قتل
- ايراني ايٽمي ٿاڪن مان ڪجهه به منتقل نه ڪيو ويو هو: آمريڪي صدر جي دعويٰ
- ايراني حملن ۾ يهودي رياست ڀورا ڀورا ٿي وئي: آيت الله خامنه اي
- ايران خلاف تاريخي ڪاميابي حاصل ڪئي: آمريڪا جو بچاءَ وارو وزير
- ايران اسرائيل جنگ بندي ۾ پاڪستان انتهائي اثرائتو ڪردار ادا ڪيو: وزيراعظم شهباز شريف
- وزيراعظم قومي سلامتي ڪميٽي جي فيصلن بابت وفاقي ڪابينا کي اعتماد ۾ وٺي ڇڏيو
- حڪومت اسان جا سمورا مطالبا مڃيا، انڪري بجيٽ جي حمايت ڪئي: بلاول ڀٽو زرداري
