نفرت جي سياست کي هميشه لاءِ دفن ڪرڻو پوندو: سعيد غني

ڪراچي (ويب ڊيسڪ) صوبائي وزير سعيد غنيءَ چيو آهي ته نفرت جي سياست کي هميشه لاءِ دفن ڪرڻو پوندو، رڳو پيپلزپارٽي ئي عوامي مسئلا حل ڪري سگهي ٿي. پريس ڪانفرنس ڪندي صوبائي وزير وڌيڪ چيو ته ڪراچيءَ جو سڀ کان وڏو مسئلو پاڻي جو آهي، سنڌ حڪومت عوامي مسئلا حل ڪرڻ لاءِ  قدم کڻي رهي آهي، ڪراچي جي مسئلن کي ترجيح بنيادن تي حل ڪيو پيو وڃي.  هن چيو ته اسان کي نفرت ۽ ورڇ واري سياست مان نڪرڻو پوندو، نفرت ۽ ورڇ واري سياست سان ملڪ کي نقصان پهتو، اسان بنا فرق جي عوام جا مسئلا حل ڪيا آهن. سعيد غنيءَ جو وڌيڪ چوڻ هو ته شهيد ذوالفقار ڀٽو رڳو سنڌ نه پر سڄي ملڪ جو ليڊر هو، سنڌ حڪومت قبرستانن لاءِ زمينن جي نشاندهي ڪئي آهي، پيپلزپارٽي ڪڏهن به نفرت اوري سياست ناهي ڪئي.