هانيه جي خوبصورتيءَ جي علامت سندس ڳِٽن تي پوندڙ چُگهن جو راز!

ڪراچي (شوبز ڊيسڪ) اداڪارا هانيه عامر کي پاڪستان شوبز انڊسٽريءَ جي خوبصورت ترين اداڪارائن مان هڪ تصور ڪيو ويندو آهي، جنهن جو خوبصورت چهرو ۽ خاص طور تي سندس ڳٽن ۾ پوند چُگھه سڄي دنيا ۾ سندس مداحن کي وڻندا آهن. تازو ئي هڪ مشهور ڊرماٽولوجسٽس ڊاڪٽر اريج خالد هڪ خانگي ٽي وي سان ڳالهايو جتي هن پاڪستاني اداڪارائن طرفان پنهنجي خوبصورتي وڌائڻ لاءِ چهري تي ڪرائي ويندڙ پلاسٽڪ سرجريءَ بابت ڳالهايو. ڊاڪٽر اريج خالد جو چوڻ هو ته هانيه عامر جي ڳٽن تي پوندڙ چُگھه پلاسٽڪ سرجريءَ جي ڪري آهن، ان سان گڏوگڌ سندس نڪ جي سرجري به ڪئي وئي آهي، ان کان سواءِ سندس چپن ۽ کاڏيءَ جي سرجري به ڪئي وئي آهي. ڊاڪٽر اريج خالد وڌيڪ چيو ته ڳٽن کي کڻڻ ۽ آءِ برو ۾ به تبديلي ڪئي وئي آهي پر هانيه عامر جو رنگ قدرتي طور اڇو آهي ۽ هوءَ خوبصورت اداڪارا آهي.